எம்.எல்.ஏ. வெளியேறிய பின் அங்கு அமைக்கப்பட்டிருந்த மேடையில் அரசு திட்டங்கள் குறித்த விளக்க கூட்டம் நடைபெற்றது. விழாவில் அமைச்சர் வீரமணி பேசுகையில், தமிழக அரசு கொண்டு வந்துள்ள அம்மா மினி கிளினிக் திட்டத்தை எதிர்க்க வேண்டும் என்ற ஓரே நோக்கத்தில் தி.மு.க.வினர் ஈடுபட்டு வருகின்றனர். ஆட்சிக்கு வரும் முன்பு இத்தகைய செயல்களில் ஈடுபடுகின்றனர். கடந்த 2 நாட்களுக்கு முன்பு திருப்பத்தூர் அருகே நடந்த அரசு விழாவில் அத்தொகுதி தி.மு.க. எம்.எல்.ஏ. அங்கு வந்து பிரச்சினையை ஏற்படுத்தினார்.

இப்போது இங்கே வந்து ஆம்பூர் தொகுதி எம்.எல்.ஏ. அதே போல் பிரச்சினையை ஏற்படுத்துகிறார். மக்களுக்கு நல்ல திட்டங்களை செயல்படுத்தும் இந்த அரசு தொடர்ந்து நீடித்திட உங்கள் அனைவரின் ஒத்துழைப்பு வேண்டும் என்றார்.

நிகழ்ச்சியில் முன்னாள் எம்.எல்.ஏ. கோவி.சம்பத்குமார், மாநில திட்ட மதிப்பீட்டு குழு உறுப்பினர் செந்தில்குமார், வாணியம்பாடி நகர கூட்டுறவு இயக்குனர் சதாசிவம், ஆம்பூர் கூட்டுறவு சர்க்கரை ஆலை தலைவர் மதியழகன் உள்பட கூட்டுறவு சங்க நிர்வாகிகள், உள்ளாட்சி துறை நிர்வாகிகள் கலந்து கொண்டனர்.