பின்னர் 3-ம் கால வேள்வி, மலர் வழிபாடு, திருமுறை விண்ணப்பம், பேரொளி வழிபாடு, பிரசாதம் வழங்குதல், எண் வகை மருந்து சாத்தி தெய்வத் திருமேனிகளை பீடத்தில் நிறுவும் நிகழ்ச்சி நடைபெற்றது.

நேற்று அதிகாலை 4-ம் கால பூஜை, புனிதநீர் கலசங்கள் கோபுரத்துக்கு புறப்பாடு நடைபெற்றது. அதனை தொடர்ந்து கோவில் கோபுரகலசம் மீது சிவாச்சாரியார்கள் வேதமந்திரம் முழங்க புனி நீர் ஊற்றப்பட்டு காலை 6.30 மணிக்கு கும்பாபிஷேகம் நடைபெற்றது. இதில் ஏராளமான பொதுமக்கள் கலந்து கொண்டனர்.

அன்னதானம்

தொடர்ந்து விநாயகர், வரதராஜப்பெருமாள், முத்துமாரியம்மன் ஆகிய தெய்வங்களுக்கு சிறப்பு அபிஷேக, அலங்கார பூஜை நடைபெற்றது. பின்னர் பக்தர்களுக்கு அன்னதானம் வழங்கப்பட்டது.

பின்னர் அம்மன் திருக்கல்யாணம் மற்றும் ஊஞ்சல் திருவிழா நடந்தது. இதற்கான ஏற்பாடுகளை திருப்பணி குழு நிர்வாகிகள் செய்து இருந்தனர்.