வேலூர் மாவட்டம் ஆம்பூர் அருகே உள்ள பெரியவரிகம் கிராமத்தை சேர்ந்த பொதுமக்கள் தண்ணீர் பிடிப்பதற்காக அந்த பகுதியில் சுமார் 3 அடி ஆழத்தில் பள்ளம் தோண்டி வைத்துள்ளனர். இந்த நிலையில் அந்த பகுதியை சேர்ந்த சதீஷ் என்பவருடைய மகன் ஹரிகிருஷ்ணன் (வயது 1) நேற்று முன்தினம் இரவு அந்த பகுதியில் விளையாடிக் கொண்டிருந்தான். அப்போது குழந்தை தவறி பள்ளத்தில் விழுந்துள்ளது. இதனை யாரும் கவனிக்கவில்லை.

இந்த நிலையில் விளையாடிக் கொண்டிருந்த குழந்தை இல்லாததை கண்டு பெற்றோர் மற்றும் உறவினர்கள் அதிர்ச்சி அடைந்தனர். பின்னர் அந்த பகுதியில் தேடி பார்த்தும் கிடைக்கவில்லை.