அப்போது, அவரது மனைவி பாக்கியலட்சுமிக்கும், சரத்குமாருக்கும் கள்ளக்காதல் ஏற்பட்டுள்ளது. இதனை அறிந்த சுப்பிரமணி, மனைவியை கண்டித்துள்ளார். மேலும் மனைவியை நாரலப்பள்ளிக்கு அழைத்து சென்று விட்டார். இருப்பினும், பாக்கியலட்சுமியும், சரத்குமாரும் போன் மூலம் அடிக்கடி பேசி வந்தனர். அத்துடன், தங்கள் கள்ளக்காதலுக்கு இடையூறாக உள்ள சுப்பிரமணியை தீர்த்துக்கட்ட இருவரும் முடிவு செய்தனர்.

அதன்படி சரத்குமார், சுப்பிரமணிக்கு போன் செய்து, புதிய வியாபாரம் செய்வது தொடர்பாக பேசலாம் வா, என்று அவரை வரவழைத்துள்ளார். பின்னர் அவரை மோட்டார்சைக்கிளில் ஏற்றிக்கொண்டு பாகலூர்-சர்ஜாபுரம் சாலையில் உள்ள ஒரு பெட்ரோல் நிலையத்தில் சரத்குமார் பெட்ரோல் வாங்கிக்கொண்டார்.

இதையடுத்து அதே பகுதியில் உள்ள மதுக்கடையில் மது வாங்கிக்கொண்டு, அருகிலுள்ள மாந்தோப்புக்கு சுப்பிரமணியை அழைத்து சென்றார். அங்கு இருவரும் ஒன்றாக அமர்ந்து மது குடித்துள்ளனர். சுப்பிரமணிக்கு போதை தலைக்கேறியவுடன் அவரை சரத்குமார் கீழே தள்ளி அருகில் இருந்த கல்லை எடுத்து தலையில் போட்டார். இதில், சம்பவ இடத்திலேயே சுப்பிரமணி இறந்தார். பின்னர், அவரது உடலில் பெட்ரோல் ஊற்றி தீ வைத்து எரித்து விட்டு சரத்குமார் அங்கிருந்து தப்பி ஓடிவிட்டார்.

இந்தநிலையில் சர்ஜாபுரம் பகுதியில் தலைமறைவாக இருந்த சரத்குமாரை தனிப்படை போலீசார் நேற்று முன்தினம் இரவு கைது செய்தனர். பின்னர் சரத்குமார் சேலம் மத்திய சிறைச்சாலையில் அடைக்கப்பட்டார்.