இதற்கு, அந்த பகுதியை சேர்ந்த பொதுமக்கள் எதிர்ப்பு தெரிவித்தனர். சாலை பழுதடைந்துவிடும் என்பதுடன், அந்த வழியாக செல்லும் குடிநீர் திட்டக்குழாய், விவசாய நிலங்களுக்கு செல்லும் தண்ணீர் குழாய்கள் சேதம் அடையும் என்பதால், நேற்று காலை 11 மணிக்கு, மணல் கிடங்கில் இருந்து வந்த மணல் லாரியை சிறைபிடித்து போராட்டத்தில் ஈடுபட்டனர்.

தகவல் அறிந்த துணை போலீஸ் சூப்பிரண்டு ராஜேந்திரன், இன்ஸ்பெக்டர் சுகுமார், பொதுப்பணித்துறை உதவி செயற்பொறியாளர் பாலசுப்ரமணியன் உள்ளிட்டோர் சம்பவ இடத்துக்கு சென்று, போராட்டத்தில் ஈடுபட்டவர்களுடன் பேச்சு வார்த்தை நடத்தினர்.

அப்போது, சாலையை அகலப்படுத்துவதுடன், குடிநீர் குழாய் பழுதடைந்தால், உடனுக்குடன் சரி செய்ய நடவடிக்கை எடுப்பதாகவும் அதிகாரிகள் உறுதி அளித்தனர். அதையடுத்து, பொதுமக்கள் போராட்டத்தை கைவிட்டு கலைந்து சென்றனர்.