நெல்லை மாவட்டம் கடையம் அருகே மேற்கு தொடர்ச்சி மலையடிவாரத்தில் கோவிந்தபேரி, அழகப்பபுரம், சிவசைலம், பெத்தான்பிள்ளை குடியிருப்பு, சம்பன்குளம் உள்பட பல கிராமங்கள் உள்ளது. இந்த கிராமங்களில் உள்ள விளை நிலங்களில் மிளா, மான், கரடி, காட்டுப்பன்றி போன்றவை புகுந்து பயிர்களை சேதப்படுத்தி வருகின்றன.

இந்த நிலையில் சிவசைலத்தை சேர்ந்த குமார் என்பவர் 1 ஏக்கர் நிலத்தில் நெற்பயிர்கள் பயிரிட்டு இருந்தார். மேலும் அந்த பயிர்களை சுற்றி வேலி அமைத்து இருந்தார். சம்பவத்தன்று குமாருக்கு சொந்தமான நிலத்தில் புகுந்த காட்டுப்பன்றிகள் அறுவடைக்கு தயாராக இருந்த நெற்பயிர்களை சேதப்படுத்தியது.