கிருஷ்ணகிரி மாவட்டம் தேன்கனிக்கோட்டை அருகே உள்ளது மேகலகவுனூர் கிராமம். இந்த கிராமத்தில் 200-க்கும் மேற்பட்ட குடும்பத்தினர் வசித்து வருகின்றனர். இந்த பகுதியில் கடந்த சில மாதங்களாக சீராக குடிநீர் வினியோகம் செய்யப்படுவதில்லை என பொது மக்கள் புகார் தெரிவித்தனர்.

குடிநீர் பிரச்சினையால் பொதுமக்கள் மிகுந்த சிரமத்திற்கு உள்ளாகி வருகின்றனர். சிலர் குடிநீரை விலை கொடுத்து வாங்க வேண்டிய அவல நிலை உள்ளது. மேலும் குடிநீருக்காக அருகில் உள்ள விவசாய நிலத்திற்கு சென்று நீண்ட நேரம் காத்திருந்து மோட்டாரில் இருந்து தண்ணீர் எடுத்து செல்வதாகவும் பொதுமக்கள் வேதனையுடன் கூறினார்கள்.