ஆர்.டி.ஓ.விடம் விசாரணை

இந்த வழக்கில் அன்னப்பிரகாஷ், பிச்சைமணி, அழகர் ஆகிய 3 பேர் கடந்த 2-ந்தேதி கைது செய்யப்பட்டு சிறையில் அடைக்கப்பட்டனர். இந்த வழக்குகள் தொடர்பாக பெரியகுளம் முன்னாள் ஆர்.டி.ஓ. ஆனந்தியை விசாரணைக்கு ஆஜராகுமாறு சி.பி.சி.ஐ.டி. போலீசார் சம்மன் அனுப்பினர்.

அதன்படி, ஆர்.டி.ஓ. ஆனந்தி நேற்று தேனி சி.பி. சி.ஐ.டி. அலுவலகத்தில் விசாரணைக்கு ஆஜரானார். அவரிடம், சி.பி.சி.ஐ.டி. போலீஸ் துணை சூப்பிரண்டு சரவணன், இன்ஸ்பெக்டர் சித்ராதேவி ஆகியோர் 2 மணி நேரம் தீவிர விசாரணை நடத்தினர்.

கணினி மூலம் ஆவணங்களில் திருத்தம் செய்ய ஆர்.டி.ஓ.வுக்கு வழங்கப்பட்ட கடவுச்சொல்லை பயன்படுத்தி திருத்தம் செய்யப்பட்ட சம்பவம் உள்பட பல்வேறு ஆவணங்கள் தொடர்பாக அவரிடம் தீவிர விசாரணை நடத்தினர். சி.பி.சி.ஐ.டி. தரப்பில் பல்வேறு கேள்விகள் அவரிடம் கேட்கப்பட்டன. அதற்கு அவர் அளித்த பதில்கள் எழுத்துப்பூர்வமாக பெறப்பட்டன. பின்னர் மீண்டும் அழைத்தால் ஆஜராகி விசாரணைக்கு ஒத்துழைக்க வேண்டும் என்று கூறி ஆனந்தியை சி.பி.சி.ஐ.டி. போலீசார் அனுப்பி வைத்தனர்.

இந்த வழக்கில் தொடர்புடைய மேலும் சில அரசு அதிகாரிகளிடமும் அடுத்தடுத்து விசாரணை நடத்த சி.பி. சி.ஐ.டி. போலீசார் திட்டமிட்டுள்ளனர்.