மின்வாரிய அனைத்து சங்கங்கள் சார்பில் நேற்று ஒப்பந்த அடிப்படையில் பணி நியமனம் செய்யும் அரசின் உத்தரவைதிரும்ப பெற கோரியும், முத்தரப்பு பேச்சுவார்த்தையில் ஏற்றுகொண்டபடி தொழிற்சங்கங்களுடன் கலந்து பேசி முடிவெடுக்க வேண்டும் என்று வலியுறுத்தியும் நேற்று தமிழகம் முழுவதும் மின்வாரிய பொறியாளர்கள், அதிகாரிகள், ஊழியர்கள் காத்திருப்பு போராட்டம் நடத்தினார்கள்.

அந்த வகையில் சிவகங்கையில் மின்வாரிய கண்காணிப்பு பொறியாளர் அலுவலகத்தில் மாவட்டத்தில் உள்ள மின்வாரிய பொறியாளர்கள், அதிகாரிகள், ஊழியர்கள் மற்றும் அனைத்து சங்கங்களை சேர்ந்தவர்களும் வந்து அலுவலகத்தின் உள்ளே அமர்ந்து காத்திருப்பு போராட்டத்தில் ஈடுபட்டனர்.