உடலை கொண்டு செல்வதில் சிக்கல்

இந்த நிலையில் சம்பந்தப்பட்ட பாதையை வாங்கியவர் முள்வேலியிட்டு அடைத்து விட்டார். அந்த பகுதியில் ஒருவர் இறந்து விட்டதையடுத்து அவரது உடலை சுடுகாட்டுக்கு எடுத்துச்செல்வதில் சிக்கல் ஏற்பட்டது. பின்னர் ஊர்ப்பொதுமக்களில் சிலர் முள்வேலியை அகற்றியதையடுத்து இறந்தவர் உடல் சுடுகாட்டுக்கு எடுத்துச்செல்லப்பட்டது.

இந்த சுடுகாட்டு பாதைக்கு நிரந்தர தீர்வு வேண்டும் எனக்கேட்டு வந்தவாசி தாலுகா அலுவலகத்திற்கு நேற்று வந்த பொதுமக்கள் அலுவலகத்துக்கு எதிரே தரையில் அமர்ந்து போராட்டத்தில் ஈடுபட்டனர்.

பின்னர் அவர்கள் தாலுகா அலுவலகத்தை முற்றுகையிட முயன்றனர்.

அவர்களுடன் துணை தாசில்தார் அகத்தீஸ்வரன் சமாதான பேச்சு வார்த்தை நடத்தி பிரச்சினைக்கு தீர்வு காணப்படும் என உறுதி அளித்தார். அவரிடம் மனு அளித்த பொதுமக்கள் அதன்பின் கலைந்து சென்றனர்.