காஞ்சீபுரம் தாலுகா காமராஜர் சாலையில் உள்ள சித்தீஸ்வரர் கோவிலுக்கு சொந்தமான 61 ஆயிரத்து 680 சதுர அடி இடத்தில் 20 ஆயிரம் சதுர அடி பரப்பளவில் கட்டிடம் கட்டப்பட்டு உள்ளது. இதனை கே.பி.கே.ஸ்ரீகாந்த் என்பவருக்கு இந்து சமய அறநிலையத்துறை மூலம் கீழ் நியாய வாடகை நிர்ணயம் செய்யப்பட்டு வாடகைக்கு விடப்பட்டு இருந்தது. ஆனால் அவர் நியாய வாடகை செலுத்தாத காரணத்தினால் அவர் மீது கோவில் நிர்வாகத்தின் சார்பாக காஞ்சீபுரம் சார்பு நீதிமன்றத்தில் வழக்கு தொடுக்கப்பட்டது. தொடர்ந்து சீல் வைக்க முயன்ற போது, ஆக்கிரமிப்பாளர் தாமாக முன்வந்து இடத்தையும் கட்டிடத்தையும் ஒப்படைக்க முன்வந்தார்.