சென்னை,

கொரோனா நிவாரண பணிகளுக்காக தாராளமாக நிதி வழங்கவேண்டும் என பல்வேறு தரப்பினருக்கும் முதல்-அமைச்சர் மு.க.ஸ்டாலின் வேண்டுகோள் விடுத்திருந்தார். அதன்படி, முதல்-அமைச்சர் பொது நிவாரண நிதிக்கு தாராளமாக நிதி குவிந்து வருகிறது.அந்தவகையில் தமிழக முதல்-அமைச்சர் மு.க.ஸ்டாலினை, சென்னை தலைமை செயலகத்தில் உதவும் கரங்கள் தொண்டு நிறுவன செயலாளர் எஸ்.வித்யாகர் நேற்று சந்தித்தார். அப்போது கொரோனா நிவாரண பணிகளுக்காக முதல்-அமைச்சர் பொது நிவாரண நிதிக்கு ரூ.25 லட்சத்துக்கான காசோலையை அவர் வழங்கினார்.