தகவல் அறிந்ததும் ஈரோடு லஞ்ச ஒழிப்புத்துறை இன்ஸ்பெக்டர் ரேகா தலைமையில் ஆறு பேர் கொண்ட போலீஸ் குழுவினர் நேற்று மாலை சத்தியமங்கலம் நகர நிலவரித்திட்ட தாசில்தார் அலுவலகத்துக்கு வந்தனர். பின்னர் அவர்கள் அலுவலகத்தில் திடீர் சோதனையில் ஈடுபட்டனர். அப்போது அதிகாரிகள் மற்றும் ஊழியர்களிடம் இருந்த செல்போன்களை போலீசார் பறிமுதல் செய்தனர். மேலும் அலுவலகத்தின் கதவு மற்றும் ஜன்னல்கள் மூடப்பட்டன. இந்த சோதனை இரவு வெகுநேரம் வரை தொடர்ந்து நடைபெற்று வருகிறது. சோதனை முடிவுற்ற பின்னரே லஞ்ச பணம் ஏதும் கைப்பற்றப்பட்டதா? என்ற விவரம் தெரியவரும்.