ஆனால் அங்கும் சமூக இடைவெளியை கடைபிடிக்காமல் ஏராளமானோர் குவிந்தனர். இதையடுத்து திண்டுக்கல் நகரின் முக்கிய இடங்களில் காந்தி மார்க்கெட்டை பிரித்து அமைக்க மாநகராட்சி நிர்வாகத்தினர் முடிவு செய்தனர்.

பயன்பாட்டுக்கு வந்தன

அதன்படி திண்டுக்கல் நாகல்நகர் சந்தை பகுதி, பழனி ரோட்டில் உள்ள லாரிபேட்டை அருகில், திண்டுக்கல் பஸ் நிலையம், ஐ.டி.ஐ. வளாகம் ஆகிய 4 இடங்களில் தற்காலிக காய்கறி மார்க்கெட்டுகள் அமைக்கப்பட்டது.

அங்கு காய்கறிகளை விற்பனை செய்பவர்கள் சமூக இடைவெளியில் அமர்ந்து வியாபாரம் செய்யும் வகையில் ஏற்பாடு செய்யப்பட்டிருந்தது.

நேற்று முதல் தற்காலிக காய்கறி மார்க்கெட்டுகள் பயன்பாட்டுக்கு வந்தன.

திண்டுக்கல் பஸ் நிலையத்தில் அமைக்கப்பட்ட காய்கறி மார்க்கெட்டில் நேற்று குறைந்த எண்ணிக்கையில் தான் பொதுமக்கள் வந்து காய்கறிகளை வாங்கிச்சென்றனர்.

வரவேற்பு இல்லை

இதுகுறித்து பொதுமக்களிடம் கேட்ட போது, பழனி சாலையில் அமைக்கப்பட்டுள்ள காந்தி மார்க்கெட்டை விட இங்கு காய்கறிகளின் விலை குறைந்த பட்சம் ரூ.10 முதல் ரூ.15 வரை கூடுதலாக உள்ளது.

அதாவது பழனி சாலையில் உள்ள மார்க்கெட்டில் ஒரு கிலோ தக்காளி ரூ.10 முதல் ரூ.15-க்கு கிடைக்கிறது. ஆனால் இங்கு ரூ.20 முதல் ரூ.25 வரை விற்பனை செய்யப்படுகிறது.

அதேபோல் ஒரு கிலோ கேரட் ரூ.40-க்கும், பீன்ஸ் ரூ.45-க்கும், உருளை ரூ.35-க்கும், சின்ன வெங்காயம் ரூ.50-க்கும், பெரிய வெங்காயம் ரூ.35-க்கும், முட்டைக்கோஸ் ரூ.25-க்கும் விற்கப்பட்டது.

விலை குறைவாக கிடைக்கும் என்ற காரணத்தினால் தான் மார்க்கெட்டுக்கு வருகிறோம்.

ஆனால் மார்க்கெட்டிலேயே கூடுதல் விலைக்கு காய்கறிகள் விற்கப்பட்டால் வரவேற்பு எப்படி கிடைக்கும் என்றனர்.