உசிலம்பட்டி அருகே உள்ளது கே.பெருமாள்பட்டி. இந்த ஊரைச் சேர்ந்த செல்லப்பாண்டி என்பவருடைய மகன் கவின்குமார் (வயது 11). இவன் 6-ம் வகுப்பு படித்து வந்தான். இந்தநிலையில் மாணவன் ஊருக்கு அருகில் உள்ள கண்மாயில் குளிக்கச் சென்றான். அப்போது அங்கு 3 மாணவர்கள் குளித்துக் கொண்டிருந்தனர். அவர்கள் மாணவனை பார்த்ததும், கேலி செய்து சேற்றை வாரி வீசினராம்.

இதை மாணவன் கவின்குமார் கண்டித்ததோடு, அவர்களை திட்டினான். அதில் ஆத்திரமடைந்த அந்த 3 பேரும் மாணவனை சரமாரியாக அடித்து உதைத்து தாக்கினர். அதில் மாணவன் இறந்தான்.