காஞ்சீபுரத்தை அடுத்த திருப்புட்குழி கிராமத்தில் 108 திவ்ய தேசங்களில் ஒன்றானதும் குழந்தை பேறு அருளும் மரகதவல்லி தாயார் சமேத விஜயராகவ பெருமாள் கோவில் பிரம்மோற்சவ விழா நடந்து வருகிறது.

இதையொட்டி நேற்று விஜயராகவ பெருமாளுக்கு அபிஷேக ஆராதனைகள் நடைபெற்றது. சிறப்பு அலங்காரத்தில் தங்க கருட வாகனத்தில் சாமி எழுந்தருளி பக்தர்களுக்கு அருள்பாளித்தார். முக்கிய வீதிகளில் பஜனை பாடல்கள் ஒலிக்க கருடசேவை வாகனத்தில் வீதி உலா வந்தார்.