திருப்பத்தூர் புதுப்பேட்டை மெயின் ரோடு சிவசக்தி நகரில் எதிரே உள்ள மிளகாசேரி ஏரி 49 ஏக்கரில் உள்ளது. மழைக்காலங்களில் ஏரி நிரம்பி தண்ணீர் வெளியே செல்லமுடியாமல் சாலைகளில் வழிந்தும் குடியிருப்பு பகுதியிலும் புகுந்து விடுகிறது. இதனால் அப்பகுதி மக்கள் ஏரியில் இருந்து உபரிநீர் வெளியே செல்ல சிறுபாலம் அமைத்து தர வேண்டும் என கோரிக்கை வைத்தனர்.

அதனைத்தொடர்ந்து ரூ.7 லட்சம் நிதி ஒதுக்கப்பட்டு பணிகள் நடைபெற்று வந்தது. இதனை கலெக்டர் சிவன்அருள் திடீரென நேரில் சென்று பார்வையிட்டு தார்சாலையில் இருந்து எத்தனை அடி பள்ளம் தோண்டப்பட்டுள்ளது, கான்கிரீட் கலவை சரியான முறையில் கொட்டப்படுகிறதா? சிமெண்டு சரிவர பயன்படுத்தப்பட்டுள்ளதா? என கேட்டறிந்து, ஏரி கால்வாயில் இருந்து உபரிநீர் வெளியே செல்லும் பாதையை ஆய்வு செய்தார்.