ஆவடி காமராஜர்நகர் புதுநகர் 5-வது தெருவை சேர்ந்தவர் சீனிவாசன் (வயது 56). கட்டிட தொழிலாளி. இவர் நேற்று காலை 7 மணியளவில் வீட்டில் இருந்து வேலைக்கு கிளம்பினார். அப்போது அவர் தன்னுடன் கட்டிட வேலை செய்யும் ஒருவருடன் பேசிக் கொண்டே ஆவடி ரெயில் நிலையம் அருகே தண்டவாளத்தை கடக்க முயன்றார். இந்த நிலையில், சென்னையிலிருந்து திருத்தணி நோக்கி சென்று கொண்டிருந்த புறநகர் மின்சார ரெயிலில் அடிபட்டு சம்பவ இடத்திலேயே சீனிவாசன் உயிரிழந்தார்.