இதனால் பயிர்கள் அழுகி ஒட்டுமொத்த விவசாயமும் வீணாகிறது. இந்த நிலை ஆண்டுதோறும் தொடர்ந்து நீடிப்பதால் இப்பகுதி மக்களின் வாழ்வாதாரம் கடுமையாக பாதிக்கப்படுகிறது.

எனவே திருக்களார் போலீஸ் நிலையத்தில் இருந்து பழம்பாண்டி ஆறு வரை 7 கிலோ மீட்டர் தூரம் திருக்களார் வடிகால் வாய்க்காலை தூர்வார சம்பந்தப்பட்ட அதிகாரிகள் நடவடிக்கை எடுக்க வேண்டும் என கிராம மக்கள் கோரிக்கை விடுத்துள்ளனர்.

மேலும் இந்த வடிகாலை அதிகாரிகள் நேரில் ஆய்வு செய்து தமிழக அரசு அறிவித்துள்ள குடிமராமத்து பணிகளில் சேர்த்து வருகிற 15-ந் தேதிக்குள் திருக்களார் வடிகாலை தூர்வார நடவடிக்கை எடுக்க வேண்டும். இல்லை எனில் அனைத்து கட்சிகளை ஒன்றிணைத்து தொடர் போராட்டம் நடத்துவோம் என அப்பகுதி கிராம மக்கள் கூறினர்.