இதுபற்றி பிரதமர் மோடி வெளியிட்ட இரங்கல் செய்தியில், காஷ்மீரில் மாதா வைஷ்ணவி தேவி பவனில் ஏற்பட்ட கூட்ட நெரிசலில் உயிரிழப்பு ஏற்பட்டு உள்ளது வேதனை அளிக்கிறது. உயிரிழந்தவர்களின் குடும்பத்தினருக்கு இரங்கல்களை தெரிவித்து கொள்கிறேன். காயமடைந்தவர்கள் விரைவில் குணமடைய வேண்டும்.

இந்த சம்பவம் பற்றி காஷ்மீர் கவர்னர் மனோஜ் சின்ஹா மற்றும் மந்திரிகள் ஜிதேந்திரா சிங் மற்றும் நித்யானந்தராய் ஆகியோருடன் பேசியுள்ளேன். தேவையான நடவடிக்கைகளை எடுக்கும்படி கூறியுள்ளேன் என்று தெரிவித்து உள்ளார்.

இதனை தொடர்ந்து, பிரதமர் தேசிய நிவாரண நிதியில் இருந்து, காஷ்மீரில் உயிரிழந்த பக்தர்களின் குடும்பத்தினருக்கு ரூ.2 லட்சம் மற்றும் காயமடைந்த நபர்களுக்கு ரூ.50 ஆயிரம் இழப்பீடு வழங்கப்படும் என பிரதமர் மோடி அறிவித்து உள்ளார்.

இதேபோன்று, காஷ்மீரில் கூட்ட நெரிசலில் உயிரிழந்த பக்தர்களின் குடும்பத்தினருக்கு ரூ.10 லட்சம் மற்றும் காயமடைந்த நபர்களுக்கு ரூ.2 லட்சம் இழப்பீடு வழங்கப்படும் என காஷ்மீர் கவர்னர் மனோஜ் சின்ஹா அறிவித்து உள்ளார்.