சுற்றுச்சூழல் அனுமதி உள்பட அனைத்து தடையில்லா சான்றிதழ்களும் உரிய முறைப்படியே சென்ட்ரல் விஸ்டா' திட்டத்துக்கான அனைத்து சிறு சிறு திட்டங்களுக்கும் பெறப்பட்டுள்ளது. புதிய நாடாளுமன்ற கட்டிடத்துக்கான சுற்றுச்சூழல் அனுமதி, கடந்த 2020-ம் ஆண்டு ஜூன் 17-ந்தேதியே பெறப்பட்டது. சென்ட்ரல் விஸ்டா' திட்டம், மத்திய மாநாட்டு மையம், பிரதமர் இல்லம், சிறப்பு பாதுகாப்புக்குழு கட்டிடம், துணை ஜனாதிபதி இல்லம் ஆகிய சிறு சிறு திட்டங்களுக்கான, சுற்றுச்சூழல் அனுமதி கடந்த மே 31-ந்தேதி பெறப்பட்டது.

சென்ட்ரல் விஸ்டா' திட்டத்துக்கான சுற்றுச்சூழல் தாக்க மதிப்பீடுகள் முறையாக நடத்தப்பட்டன. பிரதமர் அலுவலகம், அமைச்சரவை செயலகம், தேசிய பாதுகாப்புக்குழு செயலகம் ஆகியவற்றுக்கான சுற்றுச்சூழல் தாக்க மதிப்பீடுகள், நிபுணர் குழுவின் பார்வைக்கு அனுப்பப்பட்டது. அக்குழுவின் பரிந்துரையுடன் சுற்றுச்சூழல் அனுமதி பெறப்பட்டது.