சீனாவில் உகான் நகரில் இருந்து தொடங்கிய கொரோனா வைரஸ் தற்போது 210 க்கும் மேற்பட்ட நாடுகளில் பரவி பாதிப்பை ஏற்படுத்தி வருகிறது. குறிப்பாக அமெரிக்கா, ஈரான், இத்தாலி, ஸ்பெயின், இங்கிலாந்து உள்ளிட்ட நாடுகள் கொரோனா தொற்றால் கடுமையாக பாதிக்கப்பட்டுள்ளன.

இந்தியாவிலும் கொரோனா வைரஸ் வேகமாக பரவி வருகிறது. இந்தியாவில் கொரோனாவால் பாதிக்கப்பட்டோர் எண்ணிக்கை 18,985 ஆக அதிகரித்துள்ளது. கொரோனா வைரஸ் தொற்றினால் பல மாநிலங்களில் பத்திரிகையாளர்களும் பாதிக்கப்பட்டுள்ளனர். சென்னையில் 28 பத்திரிகையாளர்களுக்கும், மும்பையில் 53 பேருக்கும் கொரோனா தொற்று உறுதி செய்யப்பட்டது. மேலும் அந்த 53 பேரும் கொரோனா அறிகுறி இல்லாமல் இருந்தது அச்சத்தை அதிகரித்துள்ளது.