நாடாளுமன்ற தேர்தல் 7 கட்டங்களாக நடந்து முடிந்தது. இறுதி கட்ட தேர்தல் கடந்த ஞாயிற்று கிழமை நடந்தது. இதனை அடுத்து தேர்தல் அமைதியாக வன்முறை எதுவும் இன்றி நடந்துள்ளது என தேர்தல் ஆணையம் அறிவித்தது. தேர்தலுக்கு பின்பு வெளியான கருத்து கணிப்புகளில் மத்தியில் பா.ஜ.க. தலைமையிலான கூட்டணி வெற்றி பெறும் என்றும் மீண்டும் மோடி தலைமையிலான ஆட்சி அமையும் என கூறப்பட்டது.

இதனை முன்னிட்டு டெல்லியில் பா.ஜ.க.வின் கூட்டணி கட்சியினருக்கு விருந்து அளிக்கப்படும் என கூறப்பட்டது. இதன்படி, பல்வேறு கூட்டணி கட்சி தலைவர்களுக்கு அழைப்பு விடப்பட்டது. டெல்லியில் உள்ள அசோகா ஓட்டலில் பா.ஜ.க. கூட்டணி கட்சிகளுக்கான விருந்து நிகழ்ச்சி இன்று தொடங்கியது. பா.ஜ.க. தலைவர் அமித்ஷா, பிரதமர் மோடி தலைமையில் நடைபெறும் இந்த விருந்து நிகழ்ச்சியில், பல்வேறு கூட்டணி கட்சி தலைவர்களும் பங்கேற்று உள்ளனர்.