இந்த பேச்சுவார்த்தையில் 3 வேளாண் சட்டங்களை ரத்து செய்வது மற்றும் குறைந்தபட்ச ஆதரவு விலையில் சட்டப்பூர்வ உத்தரவாதம் வழங்க வகை செய்யும் சட்டம் இயற்றுவதற்கான நடைமுறைகளை செயல்படுத்துவது ஆகிய 2 விசயங்களுக்கு முக்கியத்துவம் கொடுக்கப்படும் என கூறியுள்ளார்.

இதேபோன்று கிரந்திகாரி கிசான் அமைப்பு தலைவர் தர்சன் பால் கூறும்பொழுது, பஞ்சாப் மற்றும் அரியானா சுங்க சாவடிகள் நிரந்தரம் ஆக திறந்து இருக்கும். வருகிற 30ந்தேதி சிங்கு எல்லையில் இருந்து டிராக்டர் பேரணி ஒன்றை நாங்கள் நடத்த இருக்கிறோம் என கூறினார்.

இந்நிலையில், இமாசல பிரதேசத்தில் ஆளும் பா.ஜ.க. முதல் மந்திரி ஜெய்ராம் தாக்குரின் 3 ஆண்டு கால ஆட்சி நிறைவையொட்டி மாநில மக்களுக்கு காணொலி காட்சி வழியே மத்திய ராணுவ மந்திரி ராஜ்நாத் சிங் உரையாற்றினார்.

அவர் கூறும்பொழுது, விவசாயம் பற்றி தெரியாதவர்கள் கூட ஒன்றுமறியாத விவசாயிகளை தவறாக வழி நடத்துகின்றனர். குறைந்தபட்ச ஆதரவு விலை திட்டத்தினை (எம்.எஸ்.பி.) நிறுத்தும் நோக்கம் மத்திய அரசுக்கு இல்லை. வருங்காலத்திலும் நிறுத்தப்படாது. மண்டிகளும் தொடர்ந்து செயல்படும்.

அதனால், எம்.எஸ்.பி. திட்டம் தொடரும். விவசாயிகளிடம் இருந்து நிலங்களை யாரும் எடுத்து செல்ல முடியாது என்றும் அவர் தெரிவித்து உள்ளார்.