இந்த அறிக்கையின் நகல் அலோக் வர்மாவுக்கு அளிக்கப்படவேண்டும். அவர் இதற்கு திங்கட்கிழமைக்குள் பதில் தரவேண்டும். இந்த வழக்கை 20-ந்தேதி சுப்ரீம் கோர்ட்டு விசாரிக்கும் என்று நீதிபதிகள் தெரிவித்தனர்.

இந்த வழக்கு விசாரணை நாளை நடைபெற உள்ள நிலையில், அதற்கு முன் மூடிய முத்திரையிட்ட உறையில் தனது பதிலை அளிக்கும்படி ஊழல் குற்றச்சாட்டுக்கு ஆளான சி.பி.ஐ. இயக்குநரிடம், சுப்ரீம் கோர்ட்டு தலைமை நீதிபதி ரஞ்சன் கோகாய் தலைமையிலான அமர்வு இன்று கேட்டு கொண்டது.

தொடர்ந்து, விசாரணை தேதியை நாங்கள் மாற்ற போவதில்லை. மிக விரைவில் பதில் அறிக்கையை அளியுங்கள். உங்களது பதிலை நாங்கள் படித்து பார்க்க வேண்டியுள்ளது என தெரிவித்தது.

இதனை அடுத்து சி.பி.ஐ. இயக்குநர் சார்பில் ஆஜரான வழக்கறிஞர் சங்கர நாராயணன், பதில் அறிக்கையை சமர்ப்பித்து விடுவோம் என கூறினார்.

இந்நிலையில், மூடி முத்திரையிட்ட உறையில் தனது தரப்பு பதிலை சி.பி.ஐ. இயக்குநர் வர்மா சார்பில் நேற்று மதியம் 1 மணியளவில் சமர்ப்பிக்கப்பட்டது.

இந்த அறிக்கை தாக்கல், விசாரணைக்கு வரும் முன்னரே வெளியில் கசிந்ததாக கூறப்படுகிறது.

இந்த வழக்கு இன்று தலைமை நீதிபதி ரஞ்சன் கோகோய், எஸ்.கே கவுல், கேஎம் ஜோசப் தலைமையிலான அமர்வு முன்பு விசாரணைக்கு வந்த போது, தகவல் கசிவு குறித்து நீதிபதிகள் கவனத்திற்கு கொண்டு செல்லப்பட்டது. இது அதிர்ச்சி அளிப்பதாக அலோக் வர்மா சார்பில் ஆஜரான வழக்கறிஞர் நாரிமன் கூறினார்.

இதனையடுத்து கோபமடைந்த நீதிபதிகள், உங்களின் எந்த வழக்குகளும் விசாரிக்க தகுதியற்றவை. எப்படி வழக்கு குறித்தான தகவல்கள் வெளியே கசிந்தன என கோபத்துடன் விசாரணையை நவம்பர் 29ந்தேதி ஒத்திவைத்தனர்.