இந்தியாவில் உலக புகழ் பெற்ற ஆப்பிள் நிறுவனம் தனது முதல் நேரடி விற்பனை நிலையத்தை மும்பையில் நேற்று முன்தினம் தொடங்கியது. இதன் திறப்பு விழாவில் ஆப்பிள் நிறுவனத்தின் தலைமை செயல் அதிகாரி(சி.இ.ஓ) டிம் குக் பங்கேற்றார்.

இதனைத் தொடர்ந்து ஆப்பிள் நிறுவனத்தின் 2-வது நேரடி விற்பனை நிலையத்தை, டெல்லியில் இன்று டிம் குக் தொடங்கி வைத்தார். திறப்பு விழாவை முன்னிட்டு ஐ-போன் வாடிக்கையாளர்கள் நீண்ட வரிசைகளில் காத்திருந்தனர். அவர்களுடன் கலந்துரையாடிய டிம் குக், வாடிக்கையாளர்களுடன் சேர்ந்து புகைப்படம் எடுத்துக் கொண்டார்.