2019 பாராளுமன்றத் தேர்தலில் பா.ஜனதாவிற்கு எதிராக எதிர்க்கட்சிகள் பல்வேறு வியூகங்களை வகுக்க தொடங்கியுள்ளது. இந்நிலையில் உத்தரபிரதேச மாநிலம் சென்றுள்ள பிரதமர் மோடி காங்கிரஸை கடுமையாக விமர்சனம் செய்து வருகிறார். முத்தலாக் விவகாரத்தில் காங்கிரஸ் கட்சியின் நிலைப்பாட்டை சாடிய பிரதமர் மோடி, முத்தலாக் நடைமுறைக்கு தடை விதிக்க வகை செய்யும் மசோதாவை நிறைவேற்ற விடாமல், எதிர்க்கட்சிகள் முட்டுக்கட்டை போட்டுள்ளன என குற்றம் சாட்டினார். இந்நிலையில் தனது ஆட்சி காலத்தில் விவசாயிகளின் நலன்களுக்காக திட்டங்களை நிறைவேற்றாத காங்கிரஸ் முதலைக்கண்ணீர் வடிக்கிறது என்று பிரதமர் மோடி கடுமையாக சாடியுள்ளார்.

உ.பி.யில் மிர்சாபூரை அடுத்த சாந்தைபூர் கிராமத்தில் ரூ.3,420 கோடி செலவிலான பன்சாகர் கால்வாய் திட்டத்தை தொடங்கி வைத்து நாட்டுக்கு அர்ப்பணித்தார். இதேபோல் மிர்சாபூர் மருத்துவ கல்லூரிக்கும் அவர் அடிக்கல் நாட்டினார். பின்னர் பேசுகையில், அரசியல் லாபத்திற்காக இன்று விவசாயிகள் மீது அக்கறை இருப்பது போல் காண்பித்துக் கொள்பவர்களுக்கு தங்களின் (காங்கிரஸ்) ஆட்சிக் காலத்தின்போது விவசாயிகளின் விளைபொருட்களுக்கான குறைந்த பட்ச ஆதரவு விலையை உயர்த்துவது குறித்து சிந்தித்து பார்க்க நேரமில்லை.