சத்தீஷ்கார் மாநிலம் பிஜப்பூர் மாவட்டத்தை சேர்ந்த பகுதிநேர பத்திரிகையாளரான முகேஷ் சந்திரகர் (33), கடந்த 1-ந்தேதி காணாமல் போன நிலையில், கடந்த 3-ந்தேதி அவரது சடலம் சத்தன்பரா பஸ்தி பகுதியில் உள்ள கட்டிட ஒப்பந்ததாரர் சுரேஷ் சந்திரகர் என்பவரது வீட்டில் உள்ள கழிவுநீர் தொட்டியில் கண்டெடுக்கப்பட்டது.

இது தொடர்பாக வழக்குப்பதிவு செய்து விசாரணை நடத்திய போலீசார், வழக்கின் முக்கிய குற்றவாளி சுரேஷ் சந்திரகரை ஐதரபாத்தில் வைத்து கடந்த 5-ந்தேதி கைது செய்தனர். மேலும் இந்த வழக்கு தொடர்பாக ரிதேஷ் சந்திரகர், தினேஷ் சந்திரகர் மற்றும் மகேந்திரா ராம்டேகே ஆகிய 3 பேரையும் போலீசார் கைது செய்துள்ளனர்.