இந்த நிலையில் கற்பழிப்பில் பாதிக்கப்பட்ட அந்த பெண், தனது உறவினர்கள் மற்றும் வக்கீலுடன் கடந்த 28ந்தேதி ரேபரேலி மாவட்டத்தில் காரில் சென்று கொண்டிருந்தார். அப்போது எதிரே வேகமாக வந்த லாரி ஒன்று கார் மீது பயங்கரமாக மோதியது. அந்த லாரியின் பதிவு எண்ணும் மறைக்கப்பட்டு இருந்தது.

இந்த கொடூர சம்பவத்தில் பாதிக்கப்பட்ட பெண்ணின் அத்தைமார் 2 பேர் சம்பவ இடத்திலேயே உயிரிழந்தனர். அந்த பெண்ணும், வக்கீலும் படுகாயமடைந்து மருத்துவமனையில் சிகிச்சை பெற்று வருகின்றனர். இதுதொடர்பாக சி.பி.ஐ. தொடர்ந்து விசாரணை மேற்கொண்டு வருகிறது.

இந்த வழக்கில் இதுவரை, பாதிக்கப்பட்ட பெண் மற்றும் அவரது வழக்கறிஞரின் வாக்குமூல அறிக்கைகள் பெறப்படவில்லை என கூறி கூடுதலாக 4 வார கூடுதல் காலஅவகாசம் வழங்க வேண்டும் என சுப்ரீம் கோர்ட்டில் சி.பி.ஐ. மனுவில் கோரியிருந்தது.

இதனை விசாரணைக்கு எடுத்து கொண்ட நீதிபதிகள் தீபக் குப்தா மற்றும் அனிருத்தா போஸ் அடங்கிய அமர்வு, இந்த வழக்கில் விசாரணையை முடிப்பதற்கு சி.பி.ஐ. அமைப்புக்கு 2 வார கூடுதல் காலஅவகாசம் வழங்கி உத்தரவிட்டது.

இந்த வழக்கில் ஆபத்து கட்டத்திலுள்ள வழக்கறிஞரின் செலவுக்கு உத்தர பிரதேச அரசு ரூ.5 லட்சம் வழங்க வேண்டும் என்றும் நீதிபதிகள் உத்தரவிட்டு உள்ளனர்.