அசாம் முதல்-மந்திரி ஹிமந்தா பிஸ்வா சர்மா தளபதிகளுக்கான மாநாட்டில் இன்று கலந்து கொண்டு பேசினார். அப்போது அவர் கூறும்போது, வருகிற நவம்பருக்குள் ஒட்டுமொத்த அசாம் மாநிலத்தில் இருந்தும் ஆயுத படைகள் (சிறப்பு அதிகாரம்) சட்டம் நீக்கப்படும்.

இதனால், மத்திய ஆயுத போலீஸ் படைகளுக்கு பதிலாக அசாம் போலீஸ் பட்டாலியன் செயல்படுவார்கள். எனினும், சட்டத்தின்படி மத்திய ஆயுத போலீஸ் படைகளும் இருப்பார்கள் என அவர் கூறியுள்ளார்.