புதுடெல்லி,
மாநிலங்களிடமும், யூனியன் பிரதேசங்களிடமும் 1 கோடியே 17 லட்சத்து 56 ஆயிரத்து 911 தடுப்பூசிகள் கையிருப்பு உள்ளதாக மத்திய சுகாதார அமைச்சகம் நேற்று கூறி உள்ளது.
இன்னும் 3 நாட்களில் மாநிலங்களுக்கும், யூனியன் பிரதேசங்களுக்கும் 38 லட்சத்து 21 ஆயிரத்து 170 தடுப்பூசிகள் வினியோகிக்கப்படும் என்றும் தெரிவித்துள்ளது.
இதுவரை மாநிலங்களுக்கும், யூனியன் பிரதேசங்களுக்கும் இலவசமாகவும், நேரடி கொள்முதல் திட்டத்தின்கீழும் மத்திய அரசு 25 கோடியே 60 லட்சத்து 8 ஆயிரத்து 80 தடுப்பூசிகள் வழங்கி உள்ளது. இதுவரை நாட்டில் 24 கோடியே 44 லட்சத்து 6 ஆயிரத்து 96 தடுப்பூசிகள் பயன்படுத்தப்பட்டுள்ளன. இது நேற்று காலை 8 மணி நிலவரம் ஆகும்.