தேர்தல்களில் மின்னணு வாக்குப்பதிவு எந்திரங்களில் முறைகேடு நடப்பதாக எதிர்க்கட்சிகள் குற்றம்சாட்டி வந்தன. இவ்வாறு குறை கூறும் எதிர்க்கட்சிகளுக்கு பா.ஜனதா பதிலடி கொடுத்து வந்தது. மேலும் மின்னணு வாக்குப்பதிவு எந்திரங்களில் எந்த முறைகேடும் செய்ய வாய்ப்பு இல்லை என்று மத்திய தேர்தல் கமிஷனும் திட்டவட்டமாக கூறியது.

இந்தநிலையில் மராட்டியத்தில் சட்டசபை மற்றும் உள்ளாட்சி அமைப்புகளுக்கு வாக்குச்சீட்டு முறையில் தேர்தல் நடத்த நடவடிக்கை எடுக்க வேண்டும் என்று சதீஷ் உகே என்பவர் சபாநாயகர் நானா படோலேவுக்கு கடிதம் எழுதினார். இந்த கடிதத்தை பரிசீலித்த சபாநாயகர், மாநில தலைமை தேர்தல் அதிகாரி பல்தேவ் சிங்குடன் ஆலோசனை நடத்தினார். இதில் மருத்துவ கல்வி மந்திரி அமித் தேஷ்முக் உள்ளிட்டவர்கள் கலந்து கொண்டனர்.