உத்தர கன்னடா மாவட்டம் எல்லாப்புரா தாலுகா ஹிட்டினாபா பகுதியில் தேசிய நெடுஞ்சாலை உள்ளது. அந்த சாலையில் மராட்டிய மாநிலத்தில் இருந்து லாரி ஒன்று வந்து கொண்டிருந்தது. அப்போது திடீரென டிரைவரின் கட்டுப்பாட்டை இழந்து, லாரி எதிரே வந்து கொண்டிருந்த மற்றொரு லாரி மீது நேருக்கு நேர் மோதியது.

இதில் லாரிகளின் முன்பகுதி அப்பளம் போல் நொறுங்கின. இந்த விபத்தில் லாரியின் இடுபாடுகளில் சிக்கி ஒருவர் உயிரிழந்தார். மேலும் 3 பேர் படுகாயம் அடைந்தனர். இதுகுறித்து தகவல் அறிந்த எல்லாப்புரா போலீசார் சம்பவ இடத்திற்கு வந்து பார்வையிட்டனர்.