அந்த சமயத்தில் கூட்டேரிப்பட்டு தனியார் பெட்ரோல் பங்க்கில் டீசல் நிரப்பிய லாரி ஒன்று, தேசிய நெடுஞ்சாலையில் சென்னை மார்க்கமாக திரும்பியது. அப்போது அருள்முருகன் உள்ளிட்டோர் வந்த கார் எதிர்பாராதவிதமாக அந்த லாரி மீது பயங்கரமாக மோதியது. இதில் காரின் முன்பகுதி அப்பளம்போல் நொறுங்கியது.இதைபார்த்த அந்த வழியாக வந்த வாகன ஓட்டிகள் மயிலம் போலீஸ் நிலையத்துக்கு தகவல் தெரிவித்தனர். அதன்பேரில் மயிலம் போலீசார் சம்பவ இடத்துக்கு விரைந்து வந்து அக்கம் பக்கத்தில் இருந்தவர்கள் உதவியுடன் விபத்தில் சிக்கிய அருள்முருகன் உள்ளிட்ட 4 பேரையும் மீட்டு சிகிச்சைக்காக திண்டிவனம் அரசு மருத்துவமனையில் சேர்த்தனர்.