வேண்டும். பின்பு இயல்பு நிலைக்கு திரும்பிவிடலாம். அதே போல தொடர்ந்து ஐந்து முறை பயிற்சி செய்ய வேண்டும்.

வாய் மெல்லுதல்: இந்த பயிற்சி எலும்புகள் மற்றும் கன்னத்திற்கு பயனளிக்கக்கூடியது. வாய்க்குள் எதுவும் இல்லாமல் மூடிய நிலையில் வைத்துக்கொள்ள வேண்டும். பின்பு வாயினுள் எதுவும் இல்லாமலேயே எதையாவது சாப்பிடுவது போல் மென்றபடி இருக்க வேண்டும். அந்த சமயத்தில் தாடையை நன்றாக அசைக்கவும். வாய் மூடிய நிலையில் இருப்பதால் மூக்கு வழியாக சுவாசத்தை தொடர வேண்டும். அப்படி மெல்லும்போது தாடை தொடர்ச்சியான இயக்கத்தில் இருப்பதால் அந்த பகுதியில் சேர்ந்திருக்கும் கூடுதல் கொழுப்பு குறைவதற்கு வழிவகுக்கும். மேலும் இந்த பயிற்சியின்போது ஒவ்வொரு முறையும் கன்னத்தை தூக்கும்போது தாடை தசைகளும் வலுப்படும்.

காற்று: வாய்க்குள் காற்றை குவித்துவைத்துக்கொண்டு பின்பு வாயை நன்றாக மூடிக்கொள்ளவும். அதன் பிறகு கன்னத்தின் ஒரு பகுதியில் இருந்து மற்றொரு பகுதிக்கு காற்றை கடத்தி வாய் கொப்பளிப்பதுபோல் பயிற்சி மேற்கொள்ளவும். பின்பு மற்றொரு கன்னத்திற்கு காற்றை கடத்தி பயிற்சியை தொடரவும். இதுபோல் 10 நிமிடங்கள் செய்து வரலாம். தினமும் இவ்வாறு பயிற்சி செய்வது

தாடையில் கொழுப்பு சேர்வதை தடுத்து முக அழகை மெருகேற்றும்.

தாடை பயிற்சி:

1. இரு உள்ளங்கைகளையும் தாடையின் அடிப்பகுதியில் குவித்து வைத்துக்கொள்ள வேண்டும். பின்பு தாடை மீது கைகளை அழுத்தியபடி கழுத்தை மேல் நோக்கி உயர்த்திவிட்டு பின்பு இயல்பு நிலைக்கு கொண்டு வர வேண்டும். இவ்வாறு கழுத்தை மேலும் கீழும் அசைத்து ஐந்து முறை பயிற்சி மேற்கொள்ள வேண்டும்.

2. தாடைக்கு அடியில் இரு உள்ளங்கைகளையும் நன்றாக அழுத்தி வைத்துக்கொள்ள வேண்டும். அப்படி அழுத்தம் கொடுத்தபடியே வி வடிவத்தில் கன்னத்தின் பக்கவாட்டு பகுதி வழியே கைகளை அழுத்தி காது வரை கொண்டு செல்ல வேண்டும். அப்படியே தாடையில் இருந்து கைகளை காது அருகில் அழுத்தியபடி 10 முறை பயிற்சி செய்ய வேண்டும்.

3. தாடையின் அடிப்பகுதியில் இரு கட்டை விரல்களையும் நேர்கோட்டில் அழுத்திவைத்துக்கொள்ள வேண்டும். அதுபோல் ஆள்காட்டி விரல்கள் இரண்டையும் உதட்டின் கீழ் பகுதியில் குவித்துவைத்துக்கொள்ள வேண்டும். பின்பு இரு கட்டை விரல்களையும் நன்றாக அழுத்தியபடி தாடையின் மேல் பகுதிவரை நீவி விட வேண்டும். இவ்வாறு 10 முறை செய்ய வேண்டும்.

4. தாடையின் அடிப்பகுதியில் இரு கட்டைவிரல்களையும், உதட்டின் கீழ் புறத்தில் இரு ஆள்காட்டி விரல்களையும் ஒன்றாக சேர்த்து வைத்துக்கொள்ள வேண்டும். இப்போது தாடைக்கு அழுத்தம் கொடுப்பதற்கு பதிலாக இரு ஆள் காட்டி விரல்களை கொண்டு உதட்டின் கீழ் பகுதியில் அழுத்தியபடி தாடையை நோக்கி நீவி விட வேண்டும். இப்படி இரு விரல்களையும் கீழ்நோக்கி நீவி 10 முறை செய்ய வேண்டும்.

5. இடது கை விரல்களில் இரண்டையும், வலது கை விரல்களில் இரண்டையும் தாடையின் அடிப்பகுதியில் வைத்து மேல் நோக்கி அழுத்தியபடி உதட்டின் அடிப்பகுதிவரை நீவி விட வேண்டும். அப்படி நான்கு விரல்களை கொண்டு தாடையின் அடிப்பகுதிக்கு அழுத்தம் கொடுத்தபடி 10 முறை செய்ய வேண்டும்.

இந்த ஐந்து பயிற்சி முறைகளையும் தினமும் இரண்டு முறை என இரண்டு மாதம் தொடர்ந்து செய்து வந்தால் நல்ல மாற்றத்தை உணரலாம். தாடையின் அடியில் கொழுப்பு சேர்வது தவிர்க்கப்படுவதுடன் அழகிய முக பொலிவையும் பெறலாம்.