இவர்களில் 606 பேர் பூரண குணமடைந்து உள்ளனர். 363 பேர் சிகிச்சையில் உள்ளனர். மேலும், 20 பேர் சிகிச்சை பலனின்றி உயிரிழந்துள்ளனர்.

தெற்கு ரெயில்வே 2019-2020-ம் ஆண்டு ரூ.8,571.26 கோடி வருமானம் ஈட்டி உள்ளது. இதில் பயணிகள் மூலம் ரூ.4,587 கோடி வருமானம் கிடைத்துள்ளது. இது கடந்த ஆண்டைவிட 2.3 சதவீதம் அதிகமாகும். மேலும் 2019 ஏப்ரல் மாதம் முதல் 2020 மார்ச் மாதம் வரை சரக்குகள் கையாண்டதன் மூலம் ரூ.2,755.38 கோடி தெற்கு ரெயில்வே வருமானம் ஈட்டியது.

தெற்கு ரெயில்வேயில் 29 ரெயில் நிலையங்கள் விமான நிலைய தரத்துக்கு உயர்த்தப்பட்டுள்ளது. இந்த ஆண்டில் மேலும் 160 ரெயில் நிலையங்கள் விமான நிலைய தரத்துக்கு மாற்ற இலக்கு நிர்ணயிக்கப்பட்டுள்ளது. 544 ரெயில் நிலையங்களில் வை-பை வசதி செய்யப்பட்டுள்ளது.

இவ்வாறு அவர் கூறினார்.

இந்த விழாவில் ரெயில்வே பாதுகாப்பு படை ஐ.ஜி. பிரேந்திரகுமார் உள்ளிட்ட அதிகாரிகள் கலந்து கொண்டனர். இதேபோல் சென்னை ரெயில்வே கோட்டத்தில் கோட்ட மேலாளர் பி.மகேஷ் தேசிய கொடி ஏற்றி மரியாதை செலுத்தினார். அப்போது கொரோனாவுக்கு பிளாஸ்மா தானம் அளித்த 32 ரெயில்வே பாதுகாப்பு படையினரை அவர் பாராட்டினார்.