களக்காட்டில் காங்கிரஸ் சார்பில் காந்தி ஜெயந்தியை முன்னிட்டும், ராகுல் காந்தியின் இந்திய ஒற்றுமை நடைபயணம் குறித்து விழிப்புணர்வை ஏற்படுத்தும் வகையிலும் மாரத்தான் போட்டி நடந்தது. இதில் தமிழகத்தின் பல்வேறு பகுதிகளில் இருந்து 2 ஆயிரம் பேர் கலந்து கொண்டனர்.

களக்காடு புதிய பஸ் நிலையம் அருகில் இருந்து தாடங்கிய போட்டியானது களக்காடு அண்ணாசிலை, படலையார்குளம், நாகன்குளம், சேரன்மாதேவி ரோடு வழியாக மீண்டும் அண்ணா சிலையை வந்தடைந்தது. 5 கிலோ மீட்டர் தூரத்திற்கு போட்டி நடந்தது. இதில் வெற்றி பெற்றவர்களுக்கு பரிசளிப்பு விழா நடந்தது. அகில இந்திய காங்கிரஸ் கட்சியின் பொது செயலாளரும், கிருஷ்ணகிரி தொகுதி எம்.பி.யுமான செல்லக்குமார் கலந்துகொண்டு, வெற்றி பெற்றவர்களுக்கு பரிசுகள் வழங்கினார்.