இந்தநிலையில், வருகிற 15-ந் தேதி வரை மதுரையில் இருந்து பகல் 11.30 மணிக்கு புறப்பட வேண்டிய மதுரை - செங்கோட்டை (வ.எண்.06663), செங்கோட்டையில் இருந்து மதியம் 11.50 மணிக்கு புறப்படும் செங்கோட்டை-மதுரை (வ.எண்.06664) எக்ஸ்பிரஸ் கட்டண பாசஞ்சர் ரெயில் இரு மார்க்கங்களிலும் முழுமையாக ரத்து செய்யப்படுவதாக அறிவிக்கப்பட்டுள்ளது.

அதேபோல, விருதுநகர் ரெயில் நிலையத்தில் வருகிற 14 மற்றும் 15-ந் தேதிகளில் தண்டவாள பராமரிப்பு பணிகள் நடப்பதால், பாலக்காடு - திருச்செந்தூர் எக்ஸ்பிரஸ் ரெயில்(வ.எண்.16731) மற்றும் திருச்செந்தூர்- பாலக்காடு எக்ஸ்பிரஸ் ரெயில் (வ.எண்.16732) ஆகியன வருகிற 14-ந் தேதி திண்டுக்கல்-திருச்செந்தூர் இடையேயும், வருகிற 15-ந் தேதி மதுரை - திருச்செந்தூர் இடையேயும் பகுதியாக ரத்து செய்யப்படுகிறது. இதில் வருகிற 15-ந் தேதி திருச்செந்தூர்-பாலக்காடு ரெயில் மதுரை ரெயில் நிலையத்தில் இருந்து மாலை 6.30 மணிக்கு பாலக்காடு புறப்பட்டு செல்லும்.