ஊரடங்கு தளர்வுகளுக்கு பிறகு சென்னையில் 660 மின்சார ரெயில் சேவைகள் இயக்கப்பட்டு வருகிறது. அத்தியாவசிய பணியாளர், தனியார் நிறுவன ஊழியர்கள், பெண்கள், குழந்தைகள், பொது மக்கள் என படிப்படியாக அனைவரும் மின்சார ரெயிலில் பயணிக்க அனுமதி வழங்கப்பட்டுள்ளது.

இந்தநிலையில் ஞாயிற்றுக்கிழமை உள்ளிட்ட விடுமுறை நாட்களில் மட்டும் குறைந்த அளவிலான மின்சார ரெயில்கள் இயக்கப்படும் என தெற்கு ரெயில்வே ஏற்கனவே அறிவித்திருந்தது. அந்தவகையில் பொங்கல் பண்டிகையையொட்டி மின்சார ரெயில் சேவையில் மாற்றம் செய்யப்பட்டு குறைந்த அளவில் ரெயில்கள் இயக்கப்படுகிறது.