பிரீமியர் லீக் அளவிலான கராத்தே போட்டி தென்காசி மாவட்டம் கடையநல்லூரில் நடைபெற்றது. இதில் தமிழகத்தில் இருந்து 400-க்கும் மேற்பட்ட மாணவர்கள் கலந்து கொண்டனர். இதில் தூத்துக்குடி மாவட்ட கராத்தே செயலாளர் சென்சாய் முத்துராஜா தலைமையில் சாத்தான்குளம் ஹென்றி மெட்ரிக் மேல்நிலைப் பள்ளி மாணவர்கள் பங்கேற்று 4 தங்கப் பதக்கத்தையும், 6 வெள்ளிப் பதக்கத்தையும், ஒரு வெண்கல பதக்கத்தையும் வென்று பள்ளிக்கு பெருமை சேர்த்தனர். வெற்றி பெற்ற மாணவர்களை பள்ளி தாளாளர் நோபிள் ராஜ், பள்ளி இயக்குனர் டினோ மெலினா ராஜாத்தி, பள்ளி தலைமை ஆசிரியை சாந்தி மற்றும் பெற்றோர்கள் பாராட்டினர்.