விழுப்புரம் மாவட்டம் திருவெண்ணெய்நல்லூர் அருகே உள்ள டி.எடையார் கிராமத்தை சேர்ந்த 43 வயதுடைய தொழிலாளி, 9-ம் வகுப்பு படிக்கும் தனது மகளை, பாலியல் பலாத்காரம் செய்துள்ளார். இதில் அந்த சிறுமி 4 மாத கர்ப்பம் அடைந்ததாக தெரிகிறது. இதையடுத்து தொழிலாளியை, விழுப்புரம் அனைத்து மகளிர் போலீசார் கைது செய்து, கடலூர் மத்திய சிறையில் அடைத்தனர்.

இந்த நிலையில் பெற்ற மகளையே பலாத்காரம் செய்த காரணத்தால், அவரை பார்க்க நண்பர்கள் மற்றும் உறவினர்கள் யாரும் வரவில்லை என்று கூறப்படுகிறது. மேலும், அவரை ஜாமீனில் எடுக்கவும் யாரும் முயற்சி செய்யவில்லை என்று தெரிகிறது. இதனால் அவர் மிகுந்த மன உளைச்சலில் இருந்து வந்ததாக கூறப்படுகிறது.