வேலூர் சித்தேரி குமரவேல்நகர் ராஜீவ்காந்தி தெருவை சேர்ந்தவர் ராஜேந்திரன். இவருடைய மகன் நரேஷ்குமார் (வயது 34). இவர் மகா சிவராத்திரி அன்று வேலூர் கோட்டை ஜலகண்டேஸ்வரர் கோவிலுக்கு சாமி தரிசனம் செய்வதற்காக குடும்பத்துடன் சென்றார். பின்னர் வீடு திரும்பியபோது பீரோ திறந்து கிடப்பதைக் கண்டு அதிர்ச்சி அடைந்தனர்.

வீட்டின் பின்பக்க கதவை மர்ம நபர்கள் உடைத்து பீரோவில் இருந்த 11 பவுன் நகை, கிலோ வெள்ளி பொருட்களை திருடிச் சென்றது தெரியவந்தது. இது குறித்து நரேஷ்குமார் அரியூர் போலீஸ் நிலையத்தில் புகார் அளித்தார்.