மேலும் ஈரோட்டில் இருந்து தடயவியல் நிபுணர்கள் வந்து பதிவாகியிருந்த ரேகைகளை பதிவுசெய்தனர். மோப்பநாய் வைதேகியும் சம்பவ இடத்துக்கு வரவழைக்கப்பட்டது. அது கொலை நடந்த விசைத்தறி கூடத்துக்குள் சுற்றிச்சுற்றி ஓடியபடி பின்னர் நின்று விட்டது.

போலீசாரின் முதல்கட்ட விசாரணையில் கொலையான நவீன்குமார், சுகேந்திரகுமார் வர்மா ஆகியோருடன் ஒன்றாக தங்கியிருந்த ரவீந்திரகுமார் தலைமறைவாகியிருந்தது தெரிந்தது. மேலும் இவர்கள் 3 பேரும் சேர்ந்து கஞ்சா, மது குடிப்பது, விற்பது போன்ற செயல்களில் ஈடுபட்டு வந்ததாகவும் தெரிகிறது. மேலும் அவர்கள் அடிக்கடி தகராறிலும் ஈடுபட்டு வந்திருக்கிறார்கள்.

அதுபோல் நேற்று முன்தினம் இரவும் அவர்களுக்குள் தகராறு ஏற்பட்டு, அதில் ஆத்திரமடைந்த ரவீந்திரகுமார் இரும்பு கம்பியால் நவீன்குமாரையும், சுகேந்திரகுமார் வர்மாவையும் அடித்து கொன்று இருக்கலாம் என்று போலீசார் சந்தேகித்தனர்.

அதைத்தொடந்து கவுந்தப்பாடி முழுவதும் போலீசார் தேடுதல் வேட்டை நடத்தி தலைமறைவாக இருந்த ரவீந்திரகுமாரை பிடித்தார்கள். பின்னர் அவரை போலீஸ் நிலையத்துக்கு அழைத்துச்சென்று தீவிரமாக விசாரணை நடத்தி வருகிறார்கள்.

விசைத்தறி கூடத்தில் வேலை பார்த்த வடமாநில வாலிபர்கள் அடித்துக்கொலை செய்யப்பட்ட சம்பவம் கவுந்தப்பாடியில் நேற்று பரபரப்பை ஏற்படுத்தியது.