இதுகுறித்து தேர்தல் அதிகாரி ஒருவரிடம் கேட்ட போது, வாக்குப்பெட்டிகள் மதுரை மாவட்டம், உசிலம்பட்டி, சோழவந்தான் தொகுதிகளில் இருந்தும், தேனி மாவட்டத்தில் உள்ள 4 தொகுதிகளில் இருந்தும் எடுத்து வரப்படுகின்றன. தேனி மாவட்டத்தில் உள்ள மலைக்கிராமங்களில் இருந்து எடுத்து வருவதிலும், சாலை வசதி இல்லாத மலை கிராமங்களில் இருந்து குதிரைகளில் எடுத்து வருவதிலும் கூடுதல் பயண நேரம் ஆகும். இதுமட்டுமின்றி போடி அருகே டாப்ஸ்டேஷன் மலை கிராமத்தில் இருந்து வாக்குப்பெட்டிகள் கேரள மாநிலம் மூணாறு வழியாக ஜீப்களில் எடுத்து வரப்படுகின்றன. இதனால் நள்ளிரவு வரையும் வாக்குப்பதிவு எந்திரங்கள் கொண்டு வந்து, அதற்கென ஒதுக்கப்பட்டுள்ள அறைகளில் வைக்கப்படுகிறது. இன்று (வெள்ளிக்கிழமை) வாக்குப்பெட்டிகள் வைத்துள்ள அறைகளுக்கு வேட்பாளர்கள் முன்னிலையில் சீல் வைக்கப்படும் என்றார்.