பொருளாதார ஆய்வறிக்கை மற்றும் பல அறிவுசார் வல்லுநர்களால் அடையாளம் காணப்பட்ட குறைந்தது 10 சவால்களை என்னால் எண்ணிச் சொல்ல முடியும். அமெரிக்கா விதித்துள்ள வரிகள் உற்பத்தியாளர்களுக்கு, குறிப்பாக ஏற்றுமதியாளர்களுக்கு அழுத்தத்தை உருவாக்கியுள்ளன. வளர்ந்து வரும் வர்த்தகப் பற்றாக்குறை, குறிப்பாக சீனாவுடனான வர்த்தகம், இந்தியாவிற்குள் வரும் அந்நிய நேரடி முதலீட்டின் நிச்சயமற்ற போக்கு மற்றும் கடந்த சில மாதங்களாகத் தொடர்ந்து வெளியேறி வரும் அந்நிய நிறுவன முதலீடு இவை எதையுமே நிதி அமைச்சரின் உரை கையாளவில்லை.

எனவே, கைதட்டல்கள் கடமைக்காக இருந்ததிலும், பெரும்பாலான பார்வையாளர்கள் விரைவிலேயே அதிலிருந்து கவனத்தைத் திருப்பியதிலும் ஆச்சரியமில்லை. சன்சத் டிவி ஒளிபரப்பு கூட சில முறை துண்டிக்கப்பட்டது. ஒரு கணக்காளரின் தரப்பிலிருந்து பார்த்தால் கூட, 2025-26 நிதி நிர்வாகத்தைப் பற்றிய மிக மோசமான அறிக்கையாகவே இது இருந்தது.

பெரிய அளவில் பேசப்பட்ட ஜல் ஜீவன் திட்டத்திற்கான செலவினம் ரூ 67,000 கோடியில் இருந்து வெறும் ரூ.17,000 கோடியாக பெரியளவில் குறைக்கப்பட்டுள்ளது.

ஏப்ரல் 1, 2026 அன்று நடைமுறைக்கு வரவிருக்கும் 2026 வருமான வரி சட்டம் நிறைவேற்றப்பட்ட பல மாதங்களுக்கு பிறகு, நிதிமந்திரி நில விகிதங்களில் மாற்றங்கள் செய்துள்ளார். இது பொருளாதார தொலைநோக்கு பார்வை இல்லாத ஒரு பட்ஜெட் என்பதே எங்களது கருத்து.

இவ்வாறு அவர் கூறினார்.