பாகிஸ்தான் பொருளாதார நெருக்கடியில் தவிக்கிறது. அதற்கு மத்தியிலும் அதன் ராணுவ பட்ஜெட் ரூ.1 லட்சத்து 40 ஆயிரம் கோடியாக உயர்கிறது. இது முந்தைய ஆண்டைக்காட்டிலும் ரூ.8,300 கோடி அதிகம் ஆகும். அதாவது கடந்த ஆண்டைக்காட்டிலும் இந்த ஆண்டு ராணுவ பட்ஜெட் ஒதுக்கீடு 6 சதவீதம் அதிகம் ஆகும்.

உயர்த்தப்படுகிற ராணுவ பட்ஜெட்டில் பெருந்தொகை, ராணுவ வீரர்கள் செலவினங்கள், சம்பளம், படிகள் போன்றவற்றுக்கு பயன்படுத்தப்படும் என தகவல்கள் தெரிவிக்கின்றன. பாகிஸ்தானில் ஒரு ராணுவ வீரருக்கு ஆண்டுக்கு ரூ.26.5 லட்சம் செலவிடப்படுவதாக தகவல்கள் கூறுகின்றன.