இந்நிலையில், பாகிஸ்தானுக்கு உட்பட்ட பலுசிஸ்தானில் சிபி நகர் அருகே சாலையோரம் வைக்கப்பட்டு இருந்த சக்தி வாய்ந்த வெடிகுண்டு ஒன்று வெடிக்க செய்யப்பட்டது. தந்தூரி என்ற பகுதியில் நடந்த இந்த சம்பவத்தில் தொழிலாளர்களை ஏற்றி கொண்டு சென்ற லாரி ஒன்று சிக்கியுள்ளது.

இதில் 5 தொழிலாளர்கள் கொல்லப்பட்டு உள்ளனர். 5 பேர் காயமடைந்து உள்ளனர். இதனை சிபி நகர துணை ஆணையாளர் சையது ஜாகித் ஷா உறுதிப்படுத்தி உள்ளார். இது சக்தி வாய்ந்த குண்டுவெடிப்பு என அவர் கூறியுள்ளார்.

இந்த தொழிலாளர்கள் பஞ்சாப் பகுதியை சேர்ந்தவர்கள் என்றும் தந்தூரி பகுதியில் நீர் குழாய் இணைப்பு திட்டம் ஒன்றிற்காக சென்று கொண்டு இருந்துள்ளனர் என்றும் கூறப்படுகிறது. இந்த குண்டுவெடிப்பு சம்பவத்திற்கு ஒருவரும் பொறுப்பேற்கவில்லை.