நாளை, இரவு 8 மணிக்கு அம்பாள் தங்க கேடயத்திலும், 22-ந்தேதி தங்க சிம்ம வாகனத்திலும் எழுந்தருளும் நிகழ்ச்சி நடக்கிறது. ஆடி அமாவாசையான 24-ந்தேதி பகல் 11 மணிக்கு தங்க கருட வாகனத்தில் ராமபிரான் அக்னிதீர்த்த கடற்கரைக்கு தீர்த்தவாரி பூஜைக்கு எழுந்தருளும் நிகழ்ச்சி நடக்கிறது.

25-ந்தேதி இரவு வெள்ளி தேரோட்டமும், 9-ம் நாள் விழாவான 27-ந்தேதி காலை 10 மணிக்கு முக்கிய நிகழ்ச்சிகளில் ஒன்றான அம்பாள் தேரோட்டமும் நடைபெறுகிறது.

29-ந்தேதி தபசு மண்டகப்படியில் சுவாமி, அம்பாள் மாலை மாற்றுதல் நிகழ்ச்சியும், முக்கிய நிகழ்ச்சியாக வருகிற 30-ந்தேதி இரவு 7 மணியில் இருந்து 8 மணிக்குள் சுவாமி-அம்பாள் திருக்கல்யாண வைபவமும் நடக்கிறது.

4-ந்தேதி கோவிலில் இருந்து சுவாமி- அம்பாள், பெருமாள் தங்க கேடயங்களில் கெந்தமாதன பர்வதம் மண்டகப்படிக்கு எழுந்தருளும் நிகழ்ச்சியுடன் திருவிழா நிறைவுபெறுகிறது. விழா தொடங்கியதை முன்னிட்டு கோவிலின் 4 கோபுரங்களுக்கும் மின்விளக்குகளால் அலங்காரம் செய்யப்பட்டுள்ளன.