சேலம் கோட்டையில் மிகவும் பிரசித்தி பெற்ற பெருமாள் கோவில் உள்ளது. இந்த கோவிலில் ஒவ்வொரு ஆண்டும் வைகுண்ட ஏகாதசி உற்சவ விழா வெகு சிறப்பாக நடைபெறும். இந்தாண்டு வைகுண்ட ஏகாதசி உற்சவம் கடந்த 12-ந் தேதி தொடங்கியது. அதனைதொடர்ந்து 13-ந் தேதி பகல் பத்து தொடங்கியது.

விழாவின் சிகர நிகழ்ச்சியான சொர்க்க வாசல் திறப்பு நாளை (சனிக்கிழமை) காலை 5 மணிக்கு நடக்கிறது. இதையொட்டி பெருமாள், தாயார், ஆண்டாள், கருடாழ்வார், ஆஞ்சநேயர் ஆகிய சாமிகளுக்கு தங்க கவசம் சாத்தப்படுகிறது. அன்று இரவு 8 மணிக்கு இராப்பத்து உற்சவம் தொடங்குகிறது. சொர்க்க வாசல் திறப்பு தினத்தன்று கோவிலில் ஏராளமான பக்தர்கள் சாமி தரிசனம் செய்வார்கள்.