இதுபற்றி பிவண்டி சாந்திநகர் போலீசில் புகார் அளித்தனர். இந்த புகாரின் படி போலீசார் நடத்திய விசாரணையில் நிலத்தை இழந்த விவசாயிகள் என்ற போர்வையில் கும்பல் ஒன்று போலி ஆவணங்களை செலுத்தி பண மோசடி செய்தது தெரியவந்தது.

தாசில்தார் கைது

இந்த மோசடியில் தாசில்தார் வித்தல் கோசாவி என்பவரும் உடந்தையாக இருந்தது தெரியவந்தது. இதனால் போலீசார் 18 பேர் மீது வழக்கு பதிவு செய்து பெண் உள்பட 17 பேரை கைது செய்தனர். தாசில்தார் வித்தல் கோசாவி தலைமறைவாகி விட்டதால் அவரை பிடிக்க போலீசார் தீவிர விசாரணை நடத்தி வந்தனர்.

இதில் தலைமறைவாக இருந்த தாசில்தார் மும்பை கோரேகாவில் பதுங்கி இருப்பதாக சாந்திநகர் போலீசாருக்கு தகவல் கிடைத்தது. இதன்பேரில் போலீசார் நேற்று  அங்கு சென்று தாசில்தார் வித்தல் கோசாவியை பிடித்து கைது செய்தனர். பின்னர் அவர் கோர்ட்டில் ஆஜர்படுத்தப்பட்டார். நீதிபதி அவரை 23-ந் தேதி வரை போலீஸ் காவலில் வைத்து விசாரிக்க உத்தரவிட்டார்.